ՀՀ ՄԱՔՍԱՅԻՆ ՍԱՀՄԱՆԱՆՈՎ ԱՊՐԱՆՔՆԵՐ ԵՎ ՓՈԽԱԴՐԱՄԻՋՈՑՆԵՐ ՓՈԽԱԴՐԵԼԻՍ ԳԱՆՁՎՈՂ ՎՃԱՐՆԵՐԸ
 
      Հայաստանի մաքսային օրենսգրքի և Հայաստանի իրավական այլ ակտերի համաձայն Հայաստանի մաքսային սահմանով ապրանքներև փոխադրամիջոցներ տեղափոխելիս գանձվում են հետևյալ վճարները`      

ա ) մաքսատուրք

բ  ) մաքսավճարներ

գ  )  ակցիզային հարկ

դ  )   ավելացված արժեքի հարկ 

Մաքսային արժեքը որպես մաքսային վճարների հաշվարկման հիմք.

      ՀՀ տարածք ներմուծվող կամ ՀՀ տարածքից արտահանվող ապրանքների մաքսային ձևակերպումների ընթացքում մաքսային վճարների հաշվարկումը կատարվում է մաքսային արժեքի հիման վրա`այն գումարի , որը փաստացի վճարվել, ենթակա է վճարման կամ պետք է վճարվեր ապրանքը ձեռք բերելու և մինչև ՀՀ մաքսային սահմանը տեղափոխելու համար:
 
Մաքսային արժեքի որոշման եղանակները և կարգը սահմանված է “Մաքսատուրքերի մասին”  Հայաստանի Հանրապետության օրենքով :

Ներմուծվող ապրանքների մաքսային արժեքը  ներառում է.

  ա )  արտահանման երկրում ապրանքների ձեռքբերման գինը,
  բ )  մինչև Հայաստանի մաքսային սահմանը տեղափողելու համար կատարված փոխադրման, բեռնման, բեռնաթափման, փոխաբեռնման և ապահովագրական ծախսերը ,
  գ ) կոմիսիոն  և միջնորդային ծախսերը,
   
Մաքսատուրքեր
      
Հայաստանի Հանրապետության մաքսային սահմանով տեղափոխվող ապրանքները և փոխադրամիջոցները հարկվում են մաքսատուրքով “Մաքսատուրքերի մասին” Հայաստանի օրենքով սահմանված կարգով:

Մաքսատուրքը   “Մաքսատուրքերի մասին” ՀՀ օրենքով և ՀՀ իրավական այլ ակտերով նախատեսված կարգով, սահմանված ժամկետներում ֆիզիկական և իրավաբանական անձանցից և այլ վճարողներից պետական և հասարակական կարիքների բավարարման նպատակով գանձվող պարտադիր վճար է:

Մաքսատուրքերի դրույքաչափերը Հայաստանում.

ՀՀ մաքսային օրենսգրքի 102 հոդվածը Հայաստան ներմուծելու համար սահմանում է մաքսատուրքերի չափը յուրաքանչյուր ապրանքների տեսակների համար: Այն կամ 0 տոկոս է կամ 10%։ Բացի դրանից որոշ դեպքերում պետք է վճարել նաև ԱԱՀ (ավելացված արժեքի հարկ), որը կազմում է 20% որոշ ապրանքների համար:

Մաքսավճարի  դրույքաչափերը Հայաստանում.
    
1.Հայաստանի Հանրապետության մաքսային սահմանով տեղափոխվող ապրանքների և այլ առարկաների , ինչպես նաև բանկերի կողմից տեղափոխվող արժույթի և արտարժույթի մաքսային ձևակերպումների իրականացման ( բացառությամբ, բեռնային գործողությունների) համար գանձվում է մաքսավճար:
Մաքսավճարը գանձվում է յուրաքանչյուր առանձին մաքսային ձևակերպման համար` յուրաքանչյուր բեռնամաքսային հայտարարագիր  կամ քաղաքացիների բեռնամաքսային հայտարարագիր  լրացնելու դեպքում: Մաքսավճարի արժեքը կախված է ձևակերպվող ապրանքի քանակից։ Բայց մանրածախ ապրանքներ ներկրելու դեպքում կազմում է չնչին գումար, սովորաբար 7000 դրամից ոչ ավել:

Մաքսավճարի արտոնությունները.

Մաքսավճարից ազատվում են`

ա) այն ապրանքները, որոնք մուտք են գործում ՀՀ մաքսային տարածք մարդասիրական օգնության և բարեգործական ծրագրերի շրջանակներում:
 
բ ) ֆիզիկական անձանց կողմից ՀՀ մաքսային սահմանով տեղափոխվող ` օրենքով սահմանված ուղեկցվող իրերը` բացառությամբ անհատական օգտագործման փոխադրամիջոցների,

գ ) ֆիզիկական անձանց  /բացառությամբ անհատ ձեռներեցների/ կողմից ներմուծվող ապրանքները`”Մաքսատուրքերի մասին” ՀՀ օրենքով սահմանված չափերը չգերազանցող մասով,

դ ) օրենսդրությամբ սահմանված կարգով ժամանակավորապես արտահանվող և հետադարձ ներմուծվող մշակութային արժեքները,

ե) միջազգային կանոնավոր փոխադրումներ իրականացնող փոխադրամիջոցները`այդ փոխադրումների իրականացման ժամանակ:

Պետք է իմանալ նաև, որ  Հայաստանի մաքսային օրենսգրքի 105 հոդվածին համաձայն  ՀՀ քաղաքացին իրավունք ունի Հայաստան ներմուծել ընդհնուր մինչև 150 000 դրամ արժողության, մինչև 20 կգ ապրանք 6 ամսվա ընթացքում: Իսկ եթե ապրանքի գինը գերազանցում է 105-րդ հոդվածի արտոնությունը, ապա մաքսատուրքը վճարվում է ընդհանուր կարգով :
Հայաստանի Մաքսային սահմանով տեղափոխվող ապրանքի մաքսային արժեքը գործարքի գինն է, այսինքն՝ այն գումարը, որը փաստացի վճարվել է, ենթակա է վճարման կամ պետք է վճարվեր ապրանքը ներմուծման երկիր արտահանելու նպատակով ձեռք բերելու և մինչև Հայաստանի Հանրապետության մաքսային սահմանը տեղափոխելու համար:

Մաքսային արժեքը ներառում է`

ա) արտահանման երկրում ապրանքների ձեռքբերման գինը.

բ) մինչև Հայաստանի Հանրապետության մաքսային սահմանը ապրանքների տեղափոխման համար կատարված փոխադրման, բեռնման, բեռնաթափման, փոխաբեռնման, ապահովագրման և համանման այլ ծախսերը.

գ) մինչև Հայաստանի Հանրապետության մաքսային սահմանն ապրանքների տեղափոխման համար կատարված կոմիսիոն և միջնորդային (բրոքերային) ծախսերը, բացառությամբ ապրանքների ձեռքբերման համար կատարված կոմիսիոն և միջնորդային (բրոքերային) ծախսերի.

դ) մաքսային սահմանով տեղափոխվող ապրանքների արտադրության և մատակարարման նպատակով գնորդի կողմից մատակարարին անհատույց կամ մասնակի հատուցմամբ, ուղղակի կամ անուղղակի տրամադրված՝ ներմուծվող ապրանքներով համապատասխանաբար բաշխված`

- ապրանքների մեջ ներառված նյութերի, բաղադրամասերի և համանման այլ առարկաների արժեքը,
- ապրանքների արտադրության մեջ օգտագործվող գործիքների և համանման այլ առարկաների օգտագործման արժեքը,
- ապրանքների արտադրության մեջ սպառված նյութերի արժեքը,
- ապրանքների արտադրության համար անհրաժեշտ և ներմուծման երկրից բացի այլ երկրում իրականացված ճարտարագիտական,   ձևավորման, նախագծման և համանման այլ աշխատանքների արժեքը,

ե) գնորդի կողմից ապրանքների վաճառքի անհրաժեշտ պայման հանդիսացող ռոյալթիների և թույլտվությունների դիմաց մատակարարին ուղղակի կամ անուղղակի վճարված կամ վճարման ենթակա վճարները.

զ) տարայի, փաթեթի և փաթեթավորման աշխատանքների արժեքը.
է) մաքսային սահմանով տեղափոխվող ապրանքների հետագա վաճառքի, օգտագործման կամ տնօրինման դիմաց գնորդի կողմից մատակարարին վճարման ենթակա գումարները:

Ավելի մանրամասն տեղեկությունների համար գրեք մեզ info@jurist.am հասցեին, մեր մասնագետները միշտ պատրաստ են  օգնել Ձեզ :