Փաստաբանական ծառայությունների շրջանակներում ապահովագրական հարցերով մատուցվում են ապահովագրական պայմանագրերի ուղեկցման և հաճախորդի շահերի պաշտպանության, դատական կարգով ապահովագրական հատուցման և այլ վճարների բռնագանձման իրավաբանական ծառայություններ:

• ավտոապահովագրություն (ավտոմեքենայի ապահովագրություն. ապահովագրության մասնակի վճարումներ, ուշացած վճարումներ, ապահովագրության և ապահովագրական հատուցման վճարի մերժում),

• բեռների ապահովագրություն,

• հիփոթեքային ապահովագրություն,

• տուրիստական (զբոսաշրջային) ուղևորությունների ապահովագրություն,

• իրավաբանական և ֆիզիկական անձանց  գույքի, անշարժ գույքի ապահովագրություն, (հրդեհի և երրորդ անձանց պատճառած վնասի դեպքում վճարի մերժում),

• քաղաքացիների կյանքի և առողջության ապահովագրություն:

Ապահովագրական ընկերությունների հետ վեճերի դեպքում մատուցվող ծառայությունները.

• ապահովագրության հարցերով փաստաբանի գրավոր և բանավոր խորհրդատվություն,

• ապահովագրական ընկերությունների գործողությունների իրավական գնահատական,

• անհրաժեշտ փաստաթղթերի ձևակերպման և փորձաքննության իրավաբանական ուղեկցում,

• հայցապահանջների (բողոքների) և այլ փաստաթղթերի կազմում,

• ապահովագրական ընկերությունների ներկայացուցիչների հետ բանակցություններին մասնակցություն,

• ապացույցների հավաքում,

• ընդհանուր և վարչական դատարանների բոլոր ատյաններում հաճախորդի շահերի ներկայացում,

• կատարողական վարույթի ուղեկցում:

Շատ դեպքերում ապահովագրողները հրաժարվում են փոխհատուցել ճանապարհա- տրանսպորտային պատահարների հետևանքով առաջացած վնասը հետևյալ պատճառներով.

• վնասը պատճառվել է  այլ ՃՏՊ հետևանքով, կամ այլ պատճառներով,

• վնասի բնույթը չի համապատասխանում ՃՏՊ հանգամանքներին,

• ՃՏՊ փաստի մասին ոչ ճիշտ ժամանակին  հայտնելու,

• ապահովագրական ընկերությունը պնդում է, ՃՏՊ չի եղել:

Առավել  բնորոշ  դեպքեր, երբ ապահովագրական ընկերությունը հրաժարվում  է ապահովագրա- կան հատուցում վճարել.

• ապահովագրական հատուցում վճարելու համար անհրաժեշտ բոլոր փաստաթղթերը տրամադրելուց ավելին քան մեկ ամիս է անցել, սակայն ապահովագրական ընկերությունը չի վճարում,

• ապահովագրական ընկերության աշխատակիցները հրաժարվում են վերցնել ապահովագրական հատուցման վճարի փաստաթղթերը,

• ապահովագրական ընկերությունը միտումնավոր իջեցնում է ապահովագրական վճարումների գումարը, կամ սխալ է  հաշվարկում ապահովագրական հատուցման արժեքը,

• ապահովագրողը պարտադրում է ապահովագրական հատուցման ենթակա վնասի գումարի մեկ այլ գնահատող ընկերության կատարած հաշվարկը:

Մեր ընկերությունն  առաջարկում է ապահովագրական ընկերությունների առաջ Ձեր շահերը  դատարաններում և իրավապահ մարմինններում ներկայացնելու  ծառայություններ:

Ուրախ ենք Ձեզ առաջարկել փաստաբանների ծառայություններ և ապահովագրական ընկերության հետ ուղեկցման վեճերի և դատական գործընթացների իրավաբանական ուղեկցում:

Ապահովագրող փաստաբանի ներգրավումը պայմանավորված է նեղ մասնագիտացման անհրաժեշտությամբ: Այդպիսի վեճերում Ձեզ առավել արդյունվետ կպաշտպանի միայն ապահովագրական համակարգում ավելի քան յոթ տարի աշխատանքային  փորձ ունեցող  և բոլոր նրբություններն  ըմբռնող մասնագետը:

Նույնիսկ իրավաբանական լավագույն ընկերություններն ապահովագրական համակարգում չեն կողմնորոշվում այնպես, ինչպես ապահովագրության գծով իրավաբանը, որովհետև հայաստանյան ապահովագրող  ընկերությունների հետ չունեն երկար տարիների աշխատանքային փորձ, չեն անցկացրել ԿԱՍԿՈ և ապահովագրության այլ տեսակի հարյուրավոր դատական գործընթացներ, ապահովագրական ընկերությունների հայցերից տասնյակ հաճախորդներ չեն պաշտպանել, ապահովագրության հազարավոր պայմանագրեր և կանոններ չեն վերլուծել:  

Մենք ապահովագրական ընկերությունների հետ վեճերում հաճախորդի շահերը պաշտպանող փաստաբանական առաջին ընկերությունն ենք: Մեր ծառայությունների շրջանակը չի սահմանափակվում դատարանում հաճախորդի շահերը ներկայացնելով: Մենք կօգնենք ապահովագրական ընկերության դեմ գրագետ բողոք կազմել վերահսկող մարմիններում (Հայաստանի Կենտրոնական Բանկ), ապահովագրության պայմանագրի վերլուծություն եւ աուդիտ կիրականացնենք, կուղեկցենք ստորագրումը և այն կվարենք գործունեության ամբողջ ժամանակահատվածում, հաճախորդի պահանջներին համապատասխան վճարունակ ապահովագրական ընկերություն կընտրենք: