Սահմանված կարգի խախտմամբ պարտադիր զինվորական ծառայություն չանցած քաղաքացիների մասին ՀՀ օրենքի ներկա տարբերակով գումար վճարելու ու քրեական պատասխանատվությունից ազատվելու հնարավորություն ընձեռված է 1992 թվականի աշնանային զորակոչից մինչև 2013 թվականի դեկտեմբերի 1-ն ընկած ժամանակահատվածում բանակից փախած քաղաքացիներին, իսկ քննարկվող օրենքը ընդունվելուց հետո այդ ժամկետը կերկարացվի մեկ տարով, մինչև 2014թվականի դեկտեմբերի 01-ը:

Հիշեցնենք, որ նշված Օրենքի 5-րդ հոդվածի պահանջների համաձայն՝ օրենքի  կիրառման արդյունքում ստացած վճարներն ուղղվել են ռազմատեխնիկական նշանակության ապրանքների ձեռքբերման ծախսերի ֆինանսավորմանը:

Ավելացնենք, որ Սահմանված կարգի խախտմամբ պարտադիր զինվորական ծառայություն չանցած քաղաքացիների մասին ՀՀ օրենքով նախատեսված է քրեական պատասխանատվությունից ազատել 27 տարեկանը լրացած այն անձանց, ովքեր 1992 թվականի աշնանային զորակոչից մինչև 2013 թվականի դեկտեմբերի 1-ն ընկած ժամանակահատվածում, չեն ծառայել Հայաստանի զինված ուժերում և խուսափել են ժամկետային զինծառայությունից, բայց հետագայում տույժեր են վճարել դրա համար: Տույժերը, կախված քաղաքացիների՝ որոշակի սոցիալական խմբերում լինելուց, տատանվում են նվազագույն աշխատավարձի 30-ապատիկից մինչև 100-ապատիկ սահմաններում, իսկ որոշ դեպքերում քաղաքացիներն ազատվում են դրանք վճարելուց:

Օրենքի 5-րդ հոդվածի համաձայն՝ քաղաքացիների՝ որպես տույժ վճարած գումարները օգտագործվում են ռազմական կարիքների բավարարման համար՝ Հայաստանի Հանրապետության կառավարության սահմանած կարգով:
Պետք է նշել,  որ հայկական բանակում ծառայություն չանցած և  զինծառայությունից խուսափաց 27 տարին լրացած երիտասարդները կամ սահմանված կարգով պարտադիր զինվորական ծառայությունից ազատված կամ տարկետման հիմքեր ձեռք բերած քաղաքացիները, օրենքով սահմանված պարտադիր վճարները մուծելուց հետո ստանում են որոշում առ այն, որ նրանց նկատմամբ  հարուցված քրեական գործերը  և հետախուզումները դադարեցված են, ինչպես նաև նրանք ստանում են զինվորական գրքույկ և հաշվառվում են պահեստազորում:

Հավելենք, որ Ձեր իրավախորհրդատու փաստաբանական գրասենյակը իրավաբանական խորհրդատվություն և փաստաբանական ծառայություններ է մատուցում այն անձանց, ովքեր ցանկանում են նշված օրենքի հիմքերով ազատվել պարտադիր զինվորական ծառայությունից: Եթե ցանկանում եք ճիշտ և առանց անհարկի դժվարությունների իրավաբանական ուղեկցություն ստանալ, դիմեք մեր մասնագետներին, ովքեր արդեն երկար ժամանակ է հմտացած են զինվորկան գործերով ներկայացնել հաճախորդի շահերը:

Հարցերի դեպքում կարող եք կապ հաստատել այս էլ. հասցեով: info@jurist.am